Безбедност на интернет

Дали се јавува зависност кај корисниците од интернет? Дали сите содржини се безбедни? Дали има злоупотреба преку интернет? Дали интернетот нуди едукативни содржини?

Секако дека одговорот на сите овие прашања е ДА. Постојаното користење на интернетот секој ден со навлегување во длабоки содржини води кон голема зависност од која нема откажување во ниту еден слободен момент. Такви примери има меѓу помладите кои стануваат се повеќе заробени во светот на msn, facebook и twitter. Седењето покрај компјутер е безбедно зошто она што сакаме да го прочитаме со селектирање на безбедни содржини не исполнува во целост. Не безбедните извори на информации може да се стават во игнор и на таков начин да се избегне секаква злоупотреба во мрежата на корисниците. Не треба да заборавиме дека постојат лица кои преку интернетот шират закани, лажни информации и заплашување. Во оваа група може да се вклучат и лица кои преку интернет вршат сајбер насилство, поставувајќи слики и информации со понижување на одредена личност. Нивното идентификување може да биде само од страна на лица со голем интелект. Информациите од јавен карактер со позитивни содржини значат ефикасност во комуникацијата, едукацијата и процесирањето на јавната мисла и свест. Затоа може да кажеме дека користењето на интернетот е важно во современото општество и без него не може да се замисли живеењето на новите генерации.

Сепак, треба да имаме предвид дека интернет содржините можат да бидат со најразновиден карактер: едукативен, информативен, забавен и сл. Исто така, нив може да ги постави секој корисник на интернет без оглед на неговата возраст, образование и намера. Не сите содржини се поставени од корисници со добри намери. Има и такви на кои целта им е да го збунат корисникот, особено ако целната група за која е наменета содржината се малолетници - деца. Затоа ако било кој дел од содржината поставена на интернет во било кој момент создаде чувство на збунетост, нејаснотија, засраменост или нелагодност, детето кое ја користи треба да прекине да ја користи. Може дури да постави и блокада или да ги игнорира наредните пораки и содржини што пристигнуваат од „несоодветниот“ корисник. Доколку збунувачките пораки и содржини и понатаму продолжат да пристигнуваат треба да се побара помош од родителите или од некое друго возрасно лице во кое детето има доверба.

Има содржини на интернет кои за цел имаат да пренесат вирус на компјутерот на оној што ги користи, да ги откријат датотеките со лични податоци, како што се лозинки, кориснички имиња и сметки, а потоа да генерираат материјална штета. Ова од причина што најчесто на интернет се пристапува преку телефонската линија, па вирусот може да генерира поврзување како за телефонски разговор, најчесто надвор од Република Македонија, што значи најскапа цена и највисок трошок на телефонската сметка.

Затоа контролата за потенцијалните измами преку интернет е во рацете на самиот корисник. Тој е лично одговорен за заштита на своите лични податоци, кои што се името, адресата, телефонскиот број, името и локација на училиштето, термин и локација на вон-училишните активности и сл. Дури и личните фотографии претставуваат лични податоци и нивното поставување на интернет може да биде цел на измами и злоупотреби.

Совесното користење на интернетот може да ги збогати нашите знаења и ни овозможува лесен начин за добивање и проверка на одредени информации, како во наставно-научниот процес во училиштето, така и во личното надградување на општите познавања. Исто така го олеснува и секојдневниот живот, преку информации за возни редови и редови на летања, проверка на банкарски сметки, електронско плаќање, информации на јавни институции, електронско купување, резервации за патување и сместување и сл.